Gjilani është prej klubeve që janë përforcuar më së shumti për edicionin e ri në Superligën e Kosovës në futboll.

Por klubi gjilanas nuk ka të ndalur me angazhimin e futbollistëve të rinj, transmeton Koha Ditore.

Të hënën, Gjilani ka njoftuar se ka firmosur marrëveshje me futbollistin kuksian Fjoart Jonuzi.

Jonuzi do të jetë te Gjilani deri në fund të edicionit 2019\2020. Ai te Gjilani vjen nga Laçi, ku ishte në dy edicionet e kaluara.

Jonuzi luan në mesfushë, ndërsa te Kukësi ishte prej vitit 2013 deri në vitin 2017. Në Superligën e Shqipërisë i ka afro 100 paraqitje, ndërsa ka shënuar katër gola e ka bërë tri asistime.