Liverpooli nis me fitore të thellë sezonin e ri në Premier Ligë

Liverpooli ka nisur me fitore të thellë sezonin e ri në Premier Ligë, duke e mposhtur 4 me 1 Norwichin.

Të katër golat, ekipi i Jurgen Kloppit i realizoi në pjesën e parë.

Një autogol i Hanleyt dhe nga një gol i Mohamed Salahut, Virgil van Dijkut e Divock Origit ia dhanë tri pikët e para skuadrës nga Anfieldi.

Pukki ishte golashënuesi i vetëm për Norwichin.

Te Liverpooli në këtë ndeshje u lëndua portieri Alisson Becker, ndërsa nuk u paraqit fare ylli shqiptar Xherdan Shaqiri.

Liverpooli po udhëheq 4 me 0 pas pjesës së parë të ndeshjes me Norwichin në ndeshjen hapëse të Premier Ligës.

Golin e katërt e shënoi Divock Origi në minutën e 42-të. Ai shënoi pas asistimit nga Alexander-Arnold.

Ka debutuar për Liverpoolin portieri Adrian.

Ai zëvendësoi Alisson Beckerin që u lëndua dhe e pati të pamundur të vazhdonte ndeshjen.

Virgil van Dijk ka trefishuar epërsinë e Liverpoolit në ndeshjen ndaj Norwichit.

Holandezi shënoi me kokë në minutën e 28-të pas harkimit të Mohamed Salahut nga rivënia këndore.

Mohamed Salah ka shënuar golin e parë në sezonin e ri. Sulmuesi i Liverpoolit dyfishoi epërsinë e “Të Kuqve” në ndeshjen hapëse të sezonit të ri në Premier Ligë ndaj Norwichit.

Ai shënoi në minutën e 19-të, pas asistimit të Roberto Firminos.

Edicioni i ri i Premier Ligës ka nisur me një autogol.

Grant Hanley i Norwichit shënoi gabimisht në portën e tij për t’i dhënë epërsinë Liverpoolit vetëm shtatë minuta pas nisjes së sezonit të ri në Premier Ligë.

Janë publikuar formacionet zyrtare të ndeshjes Liverpool – Norwich, hapëse e edicionit të ri të Premier Ligës.

Te “Të Kuqtë” në bankën rezervë është ylli shqiptar Xherdan Shaqiri.

Ndeshja nis në orën 21:00 në “Anfield”.

Këto janë formacionet

Liverpool:

Alisson, Alexander-Arnold, Gomez, Van Dijk, Robertson, Fabinho, Henderson, Wijnaldum, Origi, Salah, Firmino.

Rezervë: Adrian, Milner, Keita, Mane, Oxlade-Chamberlain, Shaqiri, Matip.

Norwich:

© KOHA. Të gjitha të drejtat janë të rezervuara.