Sonny Liston dhe vdekja e tij misterioze që ende përndjek boksin

Sonny Liston dhe vdekja e tij misterioze që ende përndjek boksin

21 July 2019 11:51

Në janar të vitit 1971, ish-kampioni i botës në peshën e rëndë në boks, Sonny Liston u gjet i vdekur në shtëpinë e tij në Las Vegas. Një mjek ligjor kishte thënë se vdekja e tij erdhi nga shkaqet e natyrshme, mirëpo disa thonë se e vërteta është dukshëm më e errët.

Ishte vonë në mbrëmje kur Geraldine Liston u kthye në shtëpi dhe gjeti gazetat grumbull në derën e saj.

Ajo kishte tentuar të kontaktonte bashkëshortin e saj, kampionin e peshës së rëndë Sonny Liston, që ishte pensionuar për gati dy vjet, por dështoi të binte në kontakt me të, shkruan BBC, transmeton “Koha Ditore”. Pasi edhe një telefonatë e fundit e saj mbeti pa marrë përgjigje, ajo i kërkoi falje nënës së saj, të cilën e kishte vizituar në St Louis për Krishtlindje, dhe shkoi me nxitim në Las Vegas për të shikuar bashkëshortin.

Dyert ishin të hapura dhe shtëpia ishte në errësirë. Geraldine nisi të mos ndihej mirë. Ajo kishte shpresuar të gjente bashkëshortin e saj në vendet e zakonshme, duke luajtur me letra me ndonjë shok apo duke shikuar TV. Por derisa u fut në shtëpi, nisi të ndihej një erë e rëndë.

“Unë mendova se ai ka gatuar dhe ka lënë ndonjë ushqim aty. Por shkova në kuzhinë dhe nuk pashë asgjë aty”, kishte thënë Geraldine në një intervistë të rrallë vite më vonë.

Ajo kishte ndjekur erën deri te dhoma e fjetjes lartë ku e gjeti bashkëshortin. Dikur një nga luftëtarët më të frikshëm në botë, ai ishte shtrirë në fund të shtratit vetëm me të brendshme. Trupi i tij ishte fryrë, kishte qenë i vdekur së paku për gjashtë ditë siç u konstatua, dhe kishte gjak të tharë që i kishte rrjedhur nga hunda. Geraldine e çoi poshtë të birin e tyre shtatëvjeçar Danielin dhe i tha të priste aty.

Ajo nuk e telefonoi policinë për disa orë. Sipas raportit të policisë së Las Vegasit, ajo së pari e telefonoi avokatin dhe më pas tentoi në mënyrë të dëshpëruar të kontaktojë një mjek. Kur mjeku kishte ardhur ai nuk kishte mundur të bënte më tepër sesa të konfirmonte vdekjen, gjë që e dinte edhe Geraldine. Charles “Sonny” Liston u shpall i vdekur në vend të ngjarjes. Arsyeja pse ka vdekur mbetet një nga misteret e botës së sportit.

(Artikullin e plotë mund ta lexoni sot në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA

Komentet

Shto koment

Të ngjashme