Manolas firmos me Napolin Foto: Reuters

Manolas firmos me Napolin

30 June 2019 22:57

Skuadra e Napolit ka siguruar shërbimet e qendërmbrojtësit grek Kostas Manolas, të cilin e ka transferuar nga Roma. Lajmi është bërë i ditur të dielën nga mediumet italiane kurse është konfirmuar edhe nga Napoli.

Për kartonin e Manolasit, Napoli ka paguar 36 milionë euro dëmshpërblim me bonuse, kurse 28-vjeçari me ekipin e ri do të firmosë kontratë pesëvjeçare, transmeton “Koha Ditore”.

Paga e tij vjetore te Napoli do të jetë 3.5 milionë euro dhe pritet të prezantohet gjatë këtyre ditëve. Manolas ka luajtur në Serie A prej vitit 2014, kur iu bashkua Romës nga Olympiacosi për 15 milionë euro.

Ai ka qenë ndër mbrojtësit më të vlerësuar në Serie A, duke regjistruar 206 ndeshje me Romën në të gjitha garat. Manolas është edhe reprezentues i Greqisë.

© KOHA

Komentet

Shto koment

Të ngjashme