Cristiano Ronaldo edhe njëherë ka treguar se pse është njëri nga futbollistët më të mirë në histori të futbollit.

Ai ka shënuar tre gola në ndeshjen gjysmëfinale të Ligës së Kombeve ndaj Zvicrës, për ta çuar Portugalinë në finale.

Ronaldo shënoi tre gola shumë të bukur, në minutat 25, 88 dhe 90.

Kurse për Zvicrën golin e vetëm e shënoi Rodriguez nga penaltia në minutën e 57.

Në finale Portugalia e pret fituesin e sfidës Holandë – Angli.

Zvicra barazon shifrat ndaj Portugalisë

Zvicra ka barazuar shifrat ndaj Portugalisë në 1 me 1 në gjysmëfinale të Ligës së Kombeve.

Ishte Rodriguez ai që shënoi nga penaltia, pas një situate mjaft të komplikuar në zonën e rreptësisë.

Pas shikimit të VAR-it gjyqtari, Felix Brych vendosi që të akordojë penalti për Zvicrën në minutën e 59.

Ronaldo me gol fantastik ndaj Zvicrës

Portugalia ka kaluar në epërsi ndaj Zvicrës në gjysmëfinale të Ligës së Kombeve.

Ishte ylli i Juventusit, Cristiano Ronaldo që shënoi një gol shumë të bukur, transmeton Koha.net.

Portugezi shënoi nga gjuajtja e lirë në minutën e 25 të takimit.