6 perditesime
18:00

Trepça ’89 mposht Vëllaznimin në barazh, mbetet në Superligë

Trepça ’89 ka siguruar mbetjen në Superligë, duke e fituar përballjen e barazhit ndaj Vëllaznimit.

Klubi nga Mitrovica shënoi fitore prej 4 me 2, transmeton KTV.

Asare, Manaj, Hyseni e Engjëll Hoti shënuan golat për Trepçën ’89.

Derisa për klubin nga Gjakova shënuan Bardhoku e Almedin Murati.

Me këtë fitore Trepça ’89 siguroi mbetjen në Superligë për sezonin 2019/20.

17:31

Trepça ’89 rikthen epërsinë

Trepça ’89 ka rikthyer epërsinë ndaj Vëllaznimit në ndeshjen e barazhit.

Ishte Hasan Hyseni ai që shënoi për klubin nga Mitrovica, transmeton Koha.net.

Hyseni shënoi në minutën e 65-të për rezultatin 3 me 2.

17:22

Trepça ’89 barazon shifrat, shënon Manaj

Trepça ’89 e ka nisur më mirë pjesën e dytë të barazhit ndaj Vëllaznimit.

Kur po luhej minuta e 55 e takimit Arb Manaj arriti të barazojë shifrat, pas harkimit nga Muharrem Jashari, transmeton KTV.

Rezultati momental është 2 me 2.

16:53

Vëllzanimi në epërsi ndaj Trepçës ’89

Vëllaznimi ka përmbysur rezultatin në ndeshjen e barazhit ndaj Trepçës ’89.

Dy minuta para përfundimit të pjesës së parë ishte Almedin që shënoi për Vëllaznimit, për t’i dhënë epërsinë prej 1 me 2, transmeton KTV.

Tun Bardhoku kishte shënuar golin e barazimit për ekipin gjakovar.

16:30

Vëllaznimi barazon shifrat ndaj Trepçës ’89

Vëllaznimi ka arritur të barazojë shifrat ndaj Trepçës ’89.

Ishte Tun Bardhoku ai që shënoi golin e barazimit kur po luhej minuta e 25-të.

16:19

Trepça ’89 kalon në epërsi

Klubi nga Mitrovica ka kaluar në epërsi ndaj Vëllaznimit, raporton KTV.

Ishte Richard Asare ai që shënoi me kokë pas një harkimi të Ardijan Mujës.

16:05

Nis ndeshja e barazhit ndërmjet Trepçës ’89 dhe Vëllaznimit

Në “Fadil Vokrri” ka nisur ndeshja e barazhit ndërmjet Trepçës ’89 dhe Vëllaznimit e vlefshme për Superligë.

Trepça ’89 kërkon mbetjen në Superligë, derisa klubi nga Gjakova kërkon inkuadrimin në të, transmeton KTV.

Formacionet zyrtare janë këto:

Image