Drita po gjen motivin te premitë që po merr nga skuadrat e treta

Drita po gjen motivin te premitë që po merr nga skuadrat e treta

Tahir Sopi Tahir Sopi 08 May 2019 10:32

Te Drita i kanë hapur letrat. Nuk fshehin se po marrin para për t'u munduar të mposhtin skuadra të caktuara.

Drejtori i skuadrës kampione, Fisnik Kërçeli, thotë se skuadra ka pranuar premi për të ndalur Llapin dhe Prishtinën. Shton se do të pranojë premi, nëse i ofrohet, për të ndalur edhe Feronikelin.

Është tjetër nëse Drita ia del të marrë pikë apo jo. Për shembull, me Llapin humbi ngushtë në Podujevë 1:0, ndërkohë së fundi Prishtinën e ndali në Gjilan, në barazim 1:1. Në xhiron e radhës do të luajë me Feronikelin në Drenas, shkruan sot Koha Ditore.

Feronikeli, Llapi dhe Prishtina po luftojnë për titull dhe diferenca e pikëve mes tyre është fare e vogël. Titullin pritet ta vendosin duelet direkte mes këtyre skuadrave në tri xhirot e mbetura të Superligës, por mund të luajë rol edhe ndonjë skuadër tjetër, si Drita për shembull që ndali në barazim Prishtinën.

Kërçeli thotë se pranimi i premive nga skuadrat e treta është i ligjshëm dhe shton se skuadrës i duhet një motivim i tillë në kohën kur Drita nuk po lufton as për titull e as për mbetje në elitë.

Federata e Futbollit e Kosovës (FFK) pranon se dhënia e premive nga skuadrat e treta është e ligjshme, por edhe e pamoralshme.

(Artikullin e plotë mund ta lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme