3 perditesime
18:01

Llapi e shfrytëzon gabimin e Prishtinës

Llapi ka mposhtur Trepçën ’89 4 me 1 në xhiron e 30-të të Superligës së Kosovës duke shfrytëzuar barazimin e djeshëm të Prishtinës me Dritën për ta barazuar me pikë e për të kaluar në pozitën e dytë në tabelë.

Ahmed Januzi shënoi hat-trick, ndërsa Behar Maliqi kontribuoi me një tjetër gol në fitoren e thellë të ekipit të Tahir Batatinas. Traore shënoi golin e vetëm për mitrovicasit.

Në tabelë, Llapi tani ka 69 pikë aq sa ka edhe Prishtina. Lider mbetet Feronikeli me 71 pikë, me tri ndeshje deri në fund të sezonit.

Image

 

16:56

Llapi në epërsi, realizon Maliqi

Llapi ka kaluar në epërsi ndaj Trepçës ’89 me golin e Behar Maliqit.

Ai realizoi në kohën shtesë të pjesës së parë, për 2 me 1.

16:38

Numër i madh i shikuesve në “Zahir Pajaziti”

Numër i madh i shikuesve është duke e përcjellë nga afër ndeshjen mes Llapit e Trepçës ’89 në “Zahir Pajaziti”.

Stadiumi është i mbushur tërësisht, me tifozët që po kërkojnë trofeun e Superligës në Llap.

Image
Image
Image
Image
16:29

Dy gola të shpejtë në përballjen Llapi – Trepça ‘89

Image

Dy gola të shpejtë janë shënuar në përballjen mes Llapit e Trepçës ’89 në xhiron e 30-të në Superligën e Kosovës.

Trepça ’89 kaloi në epërsi në minutën e 19-të përmes Traores.

Megjithatë rezultati u barazua shpejt. Ahmed Januzi shënoi pas vetëm tre minutave lojë për 1 me 1.