Mbyllet baras në Prishtinë derbi Gjilani – Drita

Mbyllet baras në Prishtinë derbi Gjilani – Drita

07 April 2019 19:32

Pa gola është mbyllur derbi Gjilani – Drita, i zhvilluar në Prishtinë në stadiumin “Fadil Vokrri”.

Derbi i qytetit të Gjilanit nuk solli shumë raste për gola, por u karakterizua me dy kartonë të kuq. Secila skuadër mori nga një të kuq në pjesën e parë. Te Gjilani u ndëshkua Ansi Nika, ndërsa te Drita Haxhi Neziraj.

Rastet më të mira për gol erdhën në minutat shtesë, por asnjë nuk u konkretizua.

Drita mbetet e katërta në tabelë me 45 pikë, 11 më pak se Prishtina që është e treta, ndërsa Gjilani është i gjashti me 35 pikë, dy më pak se Drenica që zë pozitën e pestë.


'76 - Betim Haxhimusa i Dritës lëshon ratin më të mirë deri tash. Ai nuk arriti që nga afërsia të mposhtë Gjilanin.

'60 - Një orë lojë, akoma s'ka gola. 


’54 - Drita dominon në pjesën e dytë me disa gjysmëraste të krijuara.


Ka nisur në Prishtinë pjesa e dytë e derbit Gjilani – Drita.


Mbyllet pjesa e parë, dy kartonë të kuq

Është mbyllur pjesa e parë e derbit Gjilani-Drita. Ndeshja që po zhvillohet në “Fadil Vokrri” në kryeqytet deri tash nuk solli gola, por ka sjellë dy kartonë të kuq.

Te secila skuadër u ndëshkua nga një futbollist.


'45 - Karton i kuq edhe për Haxhi Nezirajn e Dritës. Ai u ndëshkua në fund të pjesës së parë.

30 minuta lojë. Drita ka marrë iniciativën në fushë, me Gjilanin që në fushë po paraqitet me një futbollist më pak, pas përjashtimit të Nikës.


Nga minuta e 16-të, Gjilani luan me një futbollist më pak në fushë.

Direkt me të kuq u ndëshkua Ansi Nika i Gjilanit. Ai goditi Liridon Lecin.


Ka nisur në “Fadil Vokrri” derbi i xhiros së 26-të në Superligë, Gjilani-Drita.

Numri i shikuesve është i madh me tifozeritë e dy skuadrave që kanë pasur koreografi të veçanta në fillim të ndeshjes.


Formacionet zyrtare, Gjilani – Drita

Janë publikuar formacionet zyrtare të derbit të xhiros së 26-të në Superligën e Kosovës, Gjilani – Drita.

Ndeshja do të zhvillohet në “Fadil Vokrri” në Prishtinë me fillim prej orës 20:00.

Këto janë formacionet:

Image

© KOHA. Të gjitha të drejtat janë të rezervuara.

Komentet

Shto koment

Të ngjashme