Sport

Loriana Kuka, bartësja e pestë në Marrakech

Xhudistja Loriana Kuka është bartësja e pestë në kategorinë deri 78 kilogramë në garën Grand Prix që prej të premtes mbahet në Marrakech të Marokut.

Para Lorianës janë dy gjermane, një holandeze e një austriake.

Loriana Kuka në rrethin e parë është e lirë, ndërsa në të dytin e pret fituesen e duelit në mes të Sarra Mzougui të Tunizisë dhe Shokhista Anarova të Uzbekistanit.

Kuka është e vetmja që do ta përfaqësojë Kosovën në Marrakech.

Ajo së bashku me Majlinda Kelmendin, Nora Gjakovën, Distria Krasniqin e Akil Gjakovën po marshon drejt normës për "Tokio 2020".

Loriana 21-vjeçare në Grand Prix të Tel Avivit ishte renditur e dyta, në janar të këtij viti. Vjet ka pasur suksese të mëdha. Loriana në Marrakech garon të dielën.