Prishtina s’ka forcë për t’iu afruar Feronikelit në krye të tabelës

Prishtina s’ka forcë për t’iu afruar Feronikelit në krye të tabelës

06 March 2019 17:05

Derbi i kësaj jave në Superligën e Kosovës në futboll ndërmjet Prishtinës dhe Feronikelit nuk ka dhënë fitues.

Skuadrat ndanë pikët me rezultat prej 1 me 1, me vendasit që e nisën më mirë takimin, transmeton Koha.net.

Ishte Bekteshi ai që kaloi Prishtinën në epërsi në minutën e 17, duke shënuar një gol të bukur me kokë.

Pjesa e dytë nuk nisi mirë për Prishtinën, që mbeti me një lojtar më pak në fushë kur Boshnjaku u ndëshkua me kartonin e dytë të verdhë në minutën e 57.

E epërsinë numerike në fushë e shfrytëzoi lideri Feronikeli, që arriti të barazojë shifrat në minutën e 65 përmes Mendurim Hotit.

Feronikeli vazhdon të ketë pesë pikë më tepër se Prishtina në krye të tabelës me 49, kundrejt klubit nga kryeqyteti që ka 44 pikë pas 21 xhirove.


85’ - Dy zëvendësime te Feronikeli. Kone futet në fushë në vend të Fazliut. E Morina hyn në vend të Dabiqajt.


84’ – Prishtina rrezikon përmes Ergyn Ahmetit, por goditja e tij shkoi pranë portës.


79’ – Zëvendësim te Prishtina. Arbër Hoxha inkuadrohet në vend të Allen Jasharovskit.


77’ – Feronikeli rrezikon me një kundërsulm, por portieri i Prishtinës Visar Bekaj intervenon për mrekulli.


69’ - Dabiqaj i Feronikelit ndëshkohet me karton të verdhë pas një faulli afër zonës së rreptësisë. Mbrojtësi i Prishtinës, Thaqi rrezikoi nga gjuajtja e lirë por pa sukses.


65’ - Feronikeli ka barazuar shifrat ndaj Prishtinës, 1-1. Mendurim Hoti ishte ai që shënoi për ekipin mysafir.


60' - Zëvendësim te Prishtina. Pefqeli inkuadrohet në vend të Meriton Korenicës.


57' - Prishtina me 10 lojtarë në fushë. Përjashtohet pas dy kartonëve të verdhë mesfushori Lorik Boshnjaku.


Feronikeli ka rrezikuar me të filluar pjesa e dytë, megjithatë nuk ishin efikas në shfrytëzimin e rasteve.


Ka nisur pjesa e dytë e ndeshjes Prishtina – Feronikeli.

Rezultati pas pjesës së parë është 1 me 0 në të mirë të “Plisave”.


Prishtina mbyll në epërsi pjesën e parë

 

Image

Prishtina ka mbyllur në epërsi minimale, 1 me 0, pjesën e parë të ndeshjes me Feronikelin.

Leotrim Bekteshi shënoi golin e vetëm deri tash në kuadër të derbit të xhiros së 21-të në Suerpligë.

Ai shënoi në minutën e 17-të.


40’ - Golashënuesi i vetëm deri tash, Bekteshi detyrohet të largohet nga fusha për shkak të një lëndimi. Ai u zëvendësua me nga Hasanaj.


30’ - Çaka ndëshkon me karton të verdhë Mankendan e Prishtinës.


28’ – Kastriot Rexha i Feronikelit afër që të barazojë gjithçka. Ai gjuan me kokë nga afërsia, por gjuajtja përfundon fare pranë golit të Prishtinës.


25’ – Ndëshkohet me karton të verdhë Lorik Boshnjaku i Prishtinës.


GOL: Prishtina ka kaluar në epërsi në derbin ndaj Feronikelit.

Image

Leotrim Bekteshi ka shënuar gol me kokë në minutën e 17-të.


Ka nisur në “Fadil Vokrri” kryendeshja e xhiros së 21-të në Superligën e Kosovës në futboll mes Prishtinës dhe Feronikelit. 

Përballë njëra tjetrës do të jenë dy skuadrat që kërkojnë titullin dhe dallim në pikë është 5 sosh me Feronikelin që është i pari dhe Prishtinën që ka zbritur në vendin e tretë pas fitores së Llapit në Gjilan, 1:0.

Dardan Çaka është gjyqtari kryesor i ndeshjes. 

© KOHA. Të gjitha të drejtat janë të rezervuara.

Komentet

Shto koment

Të ngjashme