Raikkonen me kohën më të shpejtë në testet e para-sezonës Foto: Reuters

Raikkonen me kohën më të shpejtë në testet e para-sezonës

20 shkurt 2019 19:34

Ngasësi i ekipit të Alfa Romeos, Kimi Raikkonen, e arriti kohën më të shpejtë deri tani në testet para-sezonës, për ta rrëzuar nga froni Ferrarin në ranglistën testuese.

Kjo ishte hera e parë e testimeve, prej të hënës në pistën e Katalunisë, që Ferrari nuk ka kryesuar në fund të sesionit, transmeton KTV.

Finlandezi që u kthye në ekipin zviceran të njohur edhe si Sauber, e arriti kohën më të mirë me një minutë, 17 sekonda e 762 të qindtat.

Sebastian Vettel i Ferrarit, ish-ngasësi i ekipit të tij sezonin e shkuar, ishte i dyti me kohën një minutë, 18 sekonda e 350 të qindtat.

Kampioni në fuqi, Mercedesi, vazhdon të mos ketë formë të mirë, me finlandezin Valtteri Bottas që ishte më i ngadalshmi nga nëntë makinat në pistë, por që bëri më shumë xhiro se të tjerët, 88 në total, 8 më shumë se Vetteli.

Në vendin e tretë u radhit Nico Hulkenberg me një minutë 18 sekonda e 800 të qindtat.

© KOHA. Të gjitha të drejtat janë të rezervuara.

Komentet

Shto koment

Të ngjashme