Sport

Kosova kërkon lavdinë në “teatrin e xhudos”

 

Arena "Accor Hotels" do të transformohet në teatër të xhudos të shtunën (sot) e të dielën, ka shkruar sajti i Federatës Ndërkombëtare të Xhudos (IJF). Dhe rol të madh në "teatrin" e famshëm të Parisit kërkojnë tre xhudistët e Kosovës, Nora Gjakova, Distria Krasniqi e Akil Gjakova.

Nora, Distria e Akili do të garojnë të shtunën (sot), në ditën e parë të turneut më të famshëm të xhudos, atij "Grand Slam" të Parisit. Gjithsej në Paris, në arenën që mbledh deri në 14.500 shikues, do të garojnë 573 xhudistë nga 97 vende. Në mesin e tyre ka edhe kampionë olimpikë e kampionë botërorë.