Traore po arsyeton nofkën “Usain Bolt”

Traore po arsyeton nofkën “Usain Bolt”

22 December 2018 10:24

Nuk duhet shumë kohë për të kuptuar se për çfarë arsye Adama Traore fitoi nofkën "Usain Bolt".

Dhe këtë e fitoi derisa po zhvillohej si lojtar në akademinë "La Masia" të Barcelonës, transmeton Koha Ditore.

Ai është një futbollist aq i shpejtë saqë ish-kampioni olimpik i sprintit Darren Campbell - këshilltar te Middlesbrough - e kishte këshilluar Traoren që të ngadalësonte gjatë lojës.

22-vjeçari këtë edicion rregullisht arrin shpejtësinë deri në 22 kilometra në orë me fanellën e Wolverhamptonit derisa vrapon përgjatë krahut të djathtë si sulmues. Rekordi i Boltit ishte 27.8 kilometra në orë, por xhamajkani asnjëherë këtë nuk e ka bërë duke dribluar me topin për t'iu shmangur mbrojtësve kundërshtarë. Ai thjesht ka vrapuar i papenguar në shtegun e atletikës derisa Traore gjithmonë ka pengesa para vetes, por sërish arrin shpejtësi të madhe.

"Gjithmonë kam qenë i shpejtë, prej kur isha fëmijë", thotë Traore, që këtë vit u transferua te Wolverhamptoni nga Middlesbrough për 20 milionë euro dëmshpërblim. "Njerëzit po mendojnë se po vrapoj shpejt në fushë, por mua po me duket ngadalë, pasi e di që mundem edhe më shpejt se kaq".

Traore është i bindur se deri në fund të këtij edicioni do ta arrijë shpejtësinë deri në 25 kilometra në orë. Sipas tij, problemi është se kundërshtarët nuk po e motivojnë të vrapojë më shpejt. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme