Sport

Haradinaj i bindur se hendbollistët do të shënojnë suksese kulminante

Haradinaj i bindur se hendbollistët do të shënojnë  suksese kulminante
 

Kryeministri i Kosovës, Ramush Haradinaj ka shprehur bindjen e tij se hendbollistët kosovarë do të arrijnë majat botërore në këtë sport.

“Nuk është lehtë të jesh sportist në Kosovë, një vend që është i ri, me sfida. Disa nga sportistët tanë kanë prekur majat botërore, disa të tjerë janë ende të sfiduar për t’i arritur ato maja, por i uroj hendbollit kosovar, Federatës së Hendbollit të Kosovës për suksese, që jo vetëm se do të mburremi në rajon e më gjerë, por edhe të arrijmë majat e hendbollit botëror”, kështu tha kryeministri i Republikës së Kosovës, Ramush Haradinaj, në ceremoninë e organizuar nga Federata e Hendbollit të Kosovës, me rastin e shënimin të 65 vjetorit të tyre, bëhet e ditur përmes një komunikate për media.