Dortmundi fiton dramën ndaj Bayernit, shkëputet në krye të tabelës Foto: Reuters

Dortmundi fiton dramën ndaj Bayernit, shkëputet në krye të tabelës

10 nëntor 2018 20:27

Derbi më i madh në Bundesligë ndërmjet Dortmundit dhe Bayern Munichut sot ka prodhuar një ndeshje spektakolare, të cilën e fitoi ekipi vendas.

Pesë gola u shënuan në përballjen e jashtëzakonshme në “Westfalenstadion”, me vendasit që shënuan fitore prej 3 me 2, transmeton Koha.net.

Bavarezët e nisën më mirë takimin duke kaluar në epërsi në minutën e 26 përmes Robert Lewandowskit, që ishte edhe rezultati i pjesës së parë.

Në pjesën e dytë Dortmundi barazoi shifrat në minutën e 49 përmes Reusit, që shënoi nga penaltia.

Por, Bayerni riktheu epërsinë sërish përmes sulmuesit polak Robert Lewandowski, që shënoi katër minuta më vonë.

Vendasit nuk u dorëzuan dhe barazuan edhe njëherë shifrat përmes Reusit.

E golin e fitores e shënoi Paco Alcacer pas një kundërsulmi të jashtëzakonshëm në minutën e 74. Për të asistoi Witseli.

Dortmundi tani në krye të tabelës ka 27 pikë, shtatë më tepër se Bayerni që ka mban vendin e tretë.

© KOHA. Të gjitha të drejtat janë të rezervuara.

Komentet

Shto koment

Të ngjashme