FFK-ja synon të marrë të drejtën e dhënies së Licencës B Foto: Ilustrim

FFK-ja synon të marrë të drejtën e dhënies së Licencës B

09 nëntor 2018 10:31

Federata e Futbollit e Kosovës (FFK) synon ta fitojë të drejtën nga UEFA për dhënien e Licencës B për trajnerë.

Kryetari i FFK-së, Agim Ademi, sekretari Eroll Salihu dhe drejtori teknik, Michael Nees të enjten kanë pritur në takim instruktorin e UEFA-s, Dany Ryser.

"Gjatë takimit u diskutua edhe për projektin e krijimit të qendrës edukative, derisa në mars të vitit të ardhshëm do të dorëzohet raporti i punës së deritashme në panelin e UEFA-s në mënyrë që FFK-ja ta fitojë të drejtën e dhënies së Licencës UEFA - B", thuhet në njoftimin e FFK-së.

FFK-ja, aktualisht ka të drejtën e ndarjes së Licencës C për trajnerët, ndërkohë që atë B synon ta ndajë së shpejti. Për Licencën A dhe Profi duhet ende kohë.

© KOHA. Të gjitha të drejtat janë të rezervuara.

Komentet

Shto koment

Të ngjashme