Marcello Lippi do të largohet nga Përfaqësuesja e Kinës në janar të këtij viti, ka konfirmuar të enjten tekniku italian.
Lippi 70-vjeçar, është seleksionues i Kinës prej vitit 2016 dhe këtë post do ta mbajë deri pas përfundimit të Kupës së Azisë, në janar të vitit të ardhshëm.
Lippi prej vitit 2012 punon në Kinë, por fillimisht ka qenë trajner i ekipit Guangzhou Evergrande.
"I kam kaluar gjashtë vite të mrekullueshme në Kinë, përvojë që do të përfundoj me 31 janar pas Kupës së Azisë", është shprehur Lippi, duke zbuluar se ka marrë një ofertë për katër vjet e gjysmë nga Katari, por që e ka refuzuar.
