Në qendrën burimore për mësim dhe këshillim “Nënë Tereza” në Prizren, vijnë dhe zhvillojnë mësimet nxënësit me dëmtime në të folur dhe të dëgjuar.
Nga kjo qendër, në bashkëpunim me Ministrinë e Arsimit, këtyre fëmijëve u ofrohen të gjitha kushtet e nevojshme për mësim dhe integrim në shoqëri.
Ata zhvillojnë mësimet nëpërmjet gjuhës së shenjave, e cila u mësohet nga stafi i shkollës.
Qendra është e vetmja e tipit të tillë në Kosovë.
Drejtori Yrmet Shabani kujdeset që të na tregojë pak për historikun.
Qendra është e tipit konviktor, ku nxënësit e të gjitha qyteteve të Kosovës vijnë dhe zhvillojnë mësimet këtu dhe qëndrojnë gjatë 5 ditëve të javës, nga e hëna në të premten.
Gjatë qëndrimit të tyre ata mund të zhvillojnë aktivitete të ndryshme, ku përfshihet leximi në bibliotekë dhe veprimtaritë e ndryshme kulturorë e sportive.
Kjo shkollë funksionon si e ndarë në disa nivele, e përpos mësimit dhe edukimit, nxënësit kanë mundësi që të aftësohen dhe të ndjekin mësimet edhe në drejtimet e ndryshme profesionale.
Drejtori Shabani rrëfen për procesin mësimor që zhvillohet dhe për të gjitha karakteristikat e këtij vendi.
Pjesë është edhe çerdhja ku fëmijët edukohen dhe socializohen me të tjerët nëpërmjet mësimeve dhe lojërave të ndryshme.
Për edukatoren puna me fëmijët është ndjenjë e veçantë.
Shkolla është pjesë e sistemit arsimor të Kosovës, financohet nga buxheti i shtetit si dhe mësimin e bazon në planprograme që bazohen në Kornizën Kurrikulare të Kosovës.
