“Mirës e erdhët, jam Arben Leci. Keni ardhur në fshatin Koliq ku ne jemi kthyer pas 30 vjetësh jetesë në Angli dhe kemi dashur të investojmë në vendin tonë”.
Ai së bashku me bashkëshorten, Safeten, pas kthimit nga Anglia, janë hapur një restorant ku përgatitet ndër të tjera edhe ushqimi tradicional.
Çifti që e la Anglinë, thotë se nuk e pati të vështirë të merrte vendimin për kthim në Kosovë.
Të vetmin peng që e ka Safete Leci, është ndarja nga fëmijët, të cilët po e vazhdojnë jetën e tyre në Angli.
Nga fëmijëria, Safete Lecit i kanë mbetur kujtimet në këtë fshat, por nuk e kishte parë asnjëherë më të boshatisur.
Qëllimi kryesor i dyshes që hapi restorantin e parë në Koliq të Prishtinës, ishte tërheqja e vizitorëve drejt këtij fshati karakteristik për kah natyra e peizazhi që e gëzon.
Veç tjerash, ata synojnë zgjerimin e mëtejshëm në atë zonë.
© KOHA. Të gjitha të drejtat janë të rezervuara.
