SOT

Kreacionet e disejnatorëve kosovarë po kërkohen edhe jashtë

Fustanin me gurë të vogël po e bën gati për mbështjellje. Paketimin me emrin e saj do ta dërgojë krejtësisht në një kontinent tjetër. Për disenjatoren Nadira Kika, kjo nuk është hera e parë që një kreacion të saj po e dërgon në Las Vegas. E as nuk është hera e parë që krijimet e Kikës po “udhëtojnë” përtej oqeaneve.

Me nostalgji, Nadira na “kthen” 3 vjet pas, për të na treguar eksperiencën e parë me dërgesën e kreacionit personal, jashtë Kosovës.

Kreatorja që njihet për stilin e saj unik, thotë se krahas entuziazmit që ndien për porositë jashtë vendit, ato shpeshherë i sjellin edhe ankthe.

Megjithatë, thotë se klientet e saj çdo herë janë ndarë të kënaqura.

E kjo vërehet nga kutia e mesazheve të Kikës, që shumicën e kohës përmban tekste falënderuese nga ana e klientëve.

Rritja e porosive nga Katari, Dubai, Las Vegasi e shumë vende të tjera të botës ka ardhur si pasojë e postimit të koleksioneve në rrjetet sociale. Nadira thotë se shumica e klientëve bëjnë porosi në Instagram. Siç shprehet ajo, me një pjesë të madhe të tyre edhe është familjarizuar.

Disenjatorja Kika rrëfen edhe çka do të përmbajnë koleksionet e saj të ardhshme.

Ndonëse është konstatuar që shumica e rrobave në Kosovë importohen nga vendet e Evropës, Kosova mban edhe shume disenjatore, si Nadira, që kurojnë personalitete të njohura në botë.