Bad Bunny dhe Kendall Jenner vazhdojnë të shfaqen së bashku, që nga ndeshjet e NBA e deri te një reklamë e re nga brendi “Gucci”.
Të shtunën, shtëpia luksoze e modës ndau fotografitë e modeles 27-vjeçare ulur mbi një karrocë bagazhi të mbushur me bagazhe nga brendi “Gucci” ndërsa ylli 29-vjeçar shfaqet duke e përqafuar atë nga pas.
Një video nga reklama tregon gjithashtu Jenner dhe Bad Bunny (emri i vërtetë Benito Antonio Martínez Ocasio) duke shëtitur nëpër një aeroport me bagazhe nga koleksioni Gucci Savoy.
Jenner mbante një triko të zezë me një buton të bardhë dhe pantallona të zeza me një rrip “Gucci”. Ajo gjithashtu kishte edhe atlete të bardha “Gucci”. Ndërkohë, Bad Bunny ishte veshur i gjithi në të zezë, duke përfshirë një xhemper “Gucci” mbi një bluzë dhe pantallona të thjeshta.
Për një pamje tjetër nga koleksioni i udhëtimeve ‘Gucci Valigeria’, modelja u shfaq me një minifund me monogram të “Guccit”, bluzë të bardhë dhe pallto të gjatë, dhe Bad Bunny me veshje rastësore me një bluzë të bardhë “Gucci”, xhinse më të mëdha në numër dhe një kapelë “Gucci”.
"Reklama e fundit e Shtëpisë përqafon frymën e 'Gucci Ancora', si një festim i dashurisë që qëndron në qendër të komunitetit të Guccit”, tha kompania në një deklaratë të dhënë për “Us Weekly” dhe “E!”.
Reklama është xhiruar në një aeroport, pasi është vendi i takimit ku fillojnë udhëtimet dhe eksploron intimitetin e udhëtimit së bashku përmes krijimtarisë së Anthony Seklaoui.
Kjo reklamë, “Gucci” thotë se u inspirua nga glamuri i stilit “jet set” të viteve 1990.
Reklama e përbashkët e Bad Bunny dhe Jenner vjen vetëm një javë pasi fashionistët u panë ulur së bashku në shfaqjen e modës së “Gucci” më 22 shtator gjatë Javës së Modës në Milano.
Përgatiti: Vita Abrashi-Kajtazi
© KOHA. Të gjitha të drejtat janë të rezervuara.
