Këngëtarja e famshme Nicki Minaj është paditur nga një dyqan bizhuterish, nën dyshimin se ajo nuk ka paguar për bizhuteritë e huazuara. Dyqani po ashtu ka akuzuar se ato nuk ishin kthyer në kohë dhe ishin dëmtuar, raporton “TMZ”.
Reperja 40-vjeçare po dërgohet në gjykatë nga dyqani “Roseark”.
Akuzat janë se ajo ka huazuar disa bizhuteri nëpërmjet stilistit Brett Alan Nelson, që kishte nënshkruar kontratë me shitoren.
Roseark ka njoftuar se i është dërguar një faturë Nelsonit për dëmet e shkaktuara. Dëmet janë vlerësuar 26.239 dollarë, plus interesi.
Ndërkohë avokati i Minaj, Jordan Siev, ka thënë për “TMZ” se klientja e tij nuk është përgjegjëse dhe thotë se shitorja po e përdor atë për publicitet.
Sipas kontratës, Nelson ishte paraparë të kthente bizhuteritë brenda një jave dhe të paguante çdo dëm potencial.
U tha se nelson nuk ktheu 66 bizhuteri me kohë dhe se kur i ktheu, dy ishin dukshëm të dëmtuara: një palë vathë dhe një unazë.
Minaj mohon akuzat dhe thotë se bizhuteritë janë kthyer me kohë.
© KOHA. Të gjitha të drejtat janë të rezervuara.
