Ylli 21-vjeçar i popit, Billie Eilish, është shprehur me gjuhë më të rëndë ndaj atyre që kanë kritikuar pamjen e saj “djaloshare” që në fillim të karrierës së saj.
Këngëtarja e njohur botërisht i ka quajtur “idiotë” ata që e kritikuan për pamjen që kur u bë e famshme me këngën “Bad Guy”.
“Kam kaluar 5 vjetët e parë të karrierës sime duke u shkatërruar nga ju budallenj që dukesha dhe vishesha si djalë dhe vazhdimisht më keni thënë se do të dukesha më joshëse nëse do të sillesha si grua dhe tani kur ndihem rehat për të veshur gjëra femërore thoni se ndryshova dhe jam e shitur. ‘Çfarë i ndodhi asaj? Nuk është e njëjta Billie, është bërë njësoj si të tjerët’, blah blah.. jeni idiotë të vërtetë. Lërni gratë të ekzistojnë”, ka shkruar ajo në Instagram.
Billie Eillish është këngëtare dhe kompozitore amerikane. Ajo së pari fitoi vëmendjen e publikut në vitin 2015 me këngën e saj debutuese "Ocean Eyes", shkruar dhe prodhuar nga vëllai i saj Finneas O'Connell.
© KOHA.
