Motrat Kardashian mund të jenë “të përjashtuara” këtë vit nga “Met Gala”
Foto: AP
Kim Kardashian dhe e gjitha familja e famshme mund të mos jenë në listën e të ftuarve të “Met Gala” që do të mbahet këtë vit.
Burime të Page Six kanë thënë se kryeredaktorja e revistës “Vogue”, Anna Wintour, e cila e mbikëqyr listën e të ftuarve për ngjarjen e përvitshme të modës, duket se ka vendosur që kardashiankat t’i lë jashtë saj.
Viti 2022 shënon rastin e parë kur të gjitha anëtaret e familjes “Kardashian-Jenner”, ishin paraqitur në “Met Gala”.
Kim, Kourtney, Khloé, Kendall and Kylie, përfshirë nëna e tyre Kris Jenner, të gjitha kanë qenë prezente në tepihun e kuq.
Një burim i afërt me familjen i ka mohuar pretendimet se gratë e familjes së famshme nuk janë ftuar, duke i quajtur informatat të rrejshme.
Vitin e kaluar për herë të parë kanë marrë pjesë në ngjarjen e madhe motrat e Kimit, Kourtney dhe Khloe.
Ndërkohë Kim për herë të parë ka marrë pjesë në një “Met Gala” në vitin 2013, me bashkëshortin e saj të atëhershëm, Kanye West. Kim më vonë e pati quajtur eksperiencën të tmerrshme. Në këtë paraqitje, Kim ishte shtatzënë me fëmijën e saj të parë.
Paraqitja e parë e Kim Kardashianit në "Met Gala"/Foto: AP
