Showbiz

Rita Ora lanson këngën e re “You Only Love Me”

Këngëtarja me prejardhje kosovare dhe famë botërore, Rita Ora, e ka publikuar videoprojektin e ri muzikor, “You Only Love Me”.

Kënga vjen e kompletuar me videoklip, ku Rita shfaqet duke u bërë gati për dasmën e saj. Fansan mendojnë se me këtë projekt, në njëfarë mënyre ajo po e konfirmon martesën me regjisorin nga Zelanda e Re, Taika Waititi.

“You Only Love Me” e paralajmëron albumin e ardhshëm të Orës, për të cilin në një intervistë të fundit deklaroi se e sjell një fazë të jetës së saj ku dashurohet. Këngëtarja po ashtu bëri të ditur se në këngët e reja ka mendime shumë personale dhe se me këtë album është treguar shumë e guximshme dhe me vetëbesim.

Shumicën e këngëve i ka shkruar vet, duke qenë pjesë e çdo sesioni të incizimeve dhe duke ju përkushtuar më shumë shkrimit të teksteve, gjë të cilën nuk e kishte bërë me albumet e kaluara.

Rita Ora dhe Taika Waititi e filluan lidhjen në prill të vitit 2021 dhe kanë qenë të pandarë nga atëherë. Regjisori i shpërblyer me “Oscar” madje shpesh flet për prejardhjen e këngëtares, duke e shprehur admirimin e tij për shqiptarët.