Kevin Spacey do të paraqitet në gjykatë në Londër muajin e ardhshëm pasi është akuzuar për shtatë vepra të tjera seksuale ndaj një burri që është paraqitur si ankues i katërt.
Akuzat e reja kundër aktorit përfshijnë tri incidente sulmi, tri të sulmit seksual dhe një që e bëri një person pa dëshirën e tij të merrte pjesë në aktivitet seksual, raporton The Guardian.
Spacey u paraqit në Old Bailey në Londër në korrik për të mohuar pesë pretendimet e lidhura me tre burra të tjerë.
Policia ka thënë se ai është akuzuar më tutje me një numër veprash penale, dhe do të paraqitet para gjykatës më 16 dhjetor.
Fituesi i Oscarit ka thënë paraprakisht se mohon akuzat e bëra nga tre burra.
Spacey njihet për rolet e tij në seritë e Netflixit “House of Cards” dhe filmat “The Usual Suspects” dhe “American Beauty”.
