1 perditesime
13:59

Hailey Bieber: Nuk e kam vjedhur Justinin nga Selena

Modelja dhe afaristja amerikane, Hailey Bieber, për herë të parë u deklarua rreth fillimeve të lidhjes së saj me bashkëshortin, Justin Bieber, duke i dhënë fund spekulimeve që e ka vjedhur atë nga Selena Gomezi.

“Jo, kjo nuk ka ndodhur kurrë. Kur unë dhe Justin e filluam lidhjen, ai ishte beqar. Nuk është në natyrën time të përfshihem me persona që janë në lidhje me dikë tjetër. Jam rritur më mirë se kaq. E kuptoj si mund të jetë dukur e gjithë situata nga syri i publikut, por unë e di me fakte që për Justinin dhe Selenan, ajo ishte koha e duhur për t’i dhënë fund asaj lidhjeje. Por, sigurisht se ata kishin histori të gjatë së bashku dhe unë e respektojë shumë këtë gjë”, deklaroi modelja gjatë intervistës për podcasting, “Call Her Daddy”.

Justin Bieber ishte në lidhje me këngëtaren dhe aktoren, Selena Gomez, nga viti 2010 deri më 2018. Gjashtë muaj pas ndarjes nga ajo, ylli kanadez u martua me modelen Hailey Baldwin.

08:43

Hailey Bieber rrëfehet për herë të parë për fillimet e lidhjes me Justinin

Modelja e njohur, Hailey Bieber, ka treguar për herë të parë nëse e ka vjedhur Justin Bieberin nga Selena Gomezi.

Biseda e hapur dhe e sinqertë e bukuroshes 25-vjeçare rreth kësaj teme, kishte për qëllim që, më në fund, njerëzit ta dinin të vërtetën rreth asaj që kishte ndodhur, duke ua ofruar fansave mundësinë që ta dëgjojnë anën e saj të historisë.

Në sekuencat e para të shkëputura nga intervista e Haileyt për podcasting “Call Her Daddy”, prezantuesja Alex Cooper e pyet modelen nëse romanca e saj me Justinin kishte filluar sa ai ishte ende i lidhur me Selenan, kurse modeja deklaroi: “Kjo është një çmenduri, unë kurrë më herët nuk ka folur për këtë temë. Një pjesë e madhe e paragjykimeve dhe urrejtjes vijnë nga mendimi i njerëzve që unë e kam vjedhur Justinin nga ajo”.

Alex më pas e pyeti: “A ishte e përfshirë me Justinin në mënyrë romantike, në të njëjtën kohë me Selenan?”, ndërsa Hailey u përgjigj: “Gjithçka ka të bëjë me faktin që njerëzit ta mësojnë të vërtetën. Sepse ekziston një e vërtetë”.

Intervista e plotë e Hailey Bieberit transmetohet të mërkurën (28 shtator), ku vjen edhe sqarimi i plotë i modeles rreth kësaj çështje të cilën fansat ende e kanë shumë për zemër.

Pop-ylli kanadez, Justin Bieber, rinia e së cilit karakterizohet me skandale, varësi nga droga, arrestime për vozitje në gjendje të dehur dhe vandalizëm, e filloi lidhjen romantike me këngëtaren dhe aktoren Selena Gomez në vitin 2010, kur ata ishin rreth moshës 16 dhe 18 vjeç. Lidhja e tyre, megjithëse jostabile, zgjati deri në mars të vitit 2018. Gjashtë muaj më vonë, Bieber u martua me modelen Hailey Baldwin.

Nga atëherë, lidhja dhe martesa e tyre u përcoll me shumë kritika dhe reagime të ashpra nga fansat anembanë botës, të cilët e akuzuan Bieberin për tradhti. Çifti i famshëm i showbizit asnjëherë nuk foli publikisht ndaj këtyre akuzave.