Beyonce ka filluar të rezervojë stadiume për një turne në verë të vitit 2023, ka mësuar Page Six.
Një burim i brendshëm tha se këngëtarja amerikane po rezervon stadiume në të gjithë globin dhe një njoftim zyrtar lidhur me turneun do të arrijë në javët e ardhshme.
Turneu do të jetë për albumin më të ri të publikuar më 29 korrik “Renaissance”.
Albumi u rendit në krye të tabelës Billboard 200, derisa Beyonce tani ka marrë kontrollin e Billboard Hot 100 me këngën debutuese të albumit, "Break My Soul".
Beyonce gjithashtu mban vendin e parë në tabelën Artist 100.
Këngëtarja 41-vjeçare është gruaja e pestë që kryeson klasifikimet Artist 100, Hot 100 dhe Billboard 200 në të njëjtën kohë. Katër të tjerat janë Taylor Swift, Adele, Ariana Grande dhe Camilla Cabello.
Turneu i fundit i Beyonce ishte “On The Run Tour II” me bashkëshortin e saj Jay-Z, i cili promovoi albumin “Everything is Love”.
