Showbiz

Jenner dhe Booker fotografohen së bashku, pas lajmit të ndarjes së çiftit

Supermodelja Kendall Jenner dhe basketbollisti, Devin Booker, janë fotografuar duke kaluar kohë së bashku, vetëm disa ditë pasi mediat botërore u pushtuan nga lajmi i ndarjes së çiftit.

Ylli televiziv dhe ylli i NBA, u panë në shoqërinë e njëri-tjetrit të dielën (26 qershor), në Malibu, të Kalifornisë.

Në fotografitë e shkrepura nga paparacët, ata dukeshin në disponim të mirë, duke biseduar, buzëqeshur dhe duke i shijuar pamjet e bukura të natyrës. Madje në një moment, 25-vjeçari Booker duket sikur po ia rrëmben një puthje modeles 26-vjeçare.

{gallery}

Javën e kaluar, adhuruesit e tyre u shokuan nga lajmi se dyshja çifti i famshëm i showbizit është ndarë pas dy vjetësh lidhjeje

“Derisa ata e duan shumë njeri-tjetrin, Devin nuk kishte në plan t’i propozonte për martesë, pasi prioriteti i tij kryesor është karriera. E njëjta gjë vlen edhe për Kendallin, karriera e së cilës ia dominon jetën”, citohet të ketë thënë një burim i afërt për portalin “Page Six”.

Një tjetër person deklaroi për “E! News” se, Jenner dhe Booker, kishin kaluar shumë mirë dhe ishin argëtuar në dasmën e Kourtney Kardashianit dhe Travis Barkerit në Itali, por me t’u kthyer në shtëpi e kanë kuptuar se bëjnë stile të ndryshme të jetës.

Kendall Jenner dhe Devin Booker e filluan romancën në vitin 2020, por pritën deri në shkurt të vitit të ardhshëm për ta bërë zyrtare lidhjen në Instagram. Ata rrallëherë shfaqeshin së bashku në publik, duke e ruajtur privatësinë e njëri-tjetrit në maksimum.