Dua Lipa ka dhënë detaje për albumin e saj të ardhëm, duke thënë se do të jetë “për të kuptuarit se çfarë dëshiron”, shkroi NME të mërkurën.
Ajo në mars zbuloi se 50% e albumit kishte përfunduar.
Në një intervistë për Vogue, Lipa foli për inspirimin dhe idetë prapa albumit të tretë.
“Jam rritur. Në përgjithësi, sa i përket zërit apo çështjeve të ndryshme, jam rritur”, ka thënë ajo.
“Sikur po marr fuqi dhe nuk kam frikë të flasë për gjërat. Është për të kuptuarit e asaj që dua”, shtoi ajo.
Në janar, Lipa pati thënë se albumi nuk ishte gati dhe se nuk ishte në nxitim për të, por se kishte regjistruar shumicën e tij.
“Ka një vizion. Ka një emër. Thjesht ka qenë kënaqësi eksperimentimi. Gjithnjë do të bëj muzikë pop, por ka zërin e tij unik”, pati thënë ajo.
-
11 maj 2022 19:44
-
Shpërndaje në: