Showbiz

Chris Pine dhe Thandiwe Newton protagonistë të trilerit “All the Old Knives”

 

“All the Old Knives” është filmi i ardhshëm amerikan i zhanrit triler, regjinë e së cilit e ka bërë Januz Metz Pedersen, ndërsa vjen i bazuar në historinë e romanit me të njëjtin emër të autorit, Olen Steinhauer. Ky i fundit po ashtu e ka shkruar skenarin e tij.

Filmi “All the Old Knives” e rrëfen historinë e dy ish të dashurve të cilët njëkohësisht janë spiunë, Henry dhe Celia. Ata takohen në një darkë për t’i kujtuar kohët e kaluara së bashku në Vienë. Biseda bëhet intensive kur ata fillojnë të flasin për kidnapimin katastrofal të aeroplanit “Royal Jordanian Flight 127”, i cili përfundon me vdekjen e të gjithë pasagjerëve. Dështimi për t’i shpëtuar viktimat vazhdon ta tmerrojë agjencinë CIA edhe në kohën reale, dhe Henry kërkon ta mbyllë librin mbi atë kapitull të keq të jetës së tij profesionale dhe personale. Gjatë mbarëvajtjes së darkës, bëhet e qartë se njëri prej tyre nuk do t’i mbijetojë këtij ritakimi.