Kris Jenner dëshiron që vajza e saj, Kendall Jenner, t’i dhurojë asaj nipin ose mbesën e 12-të.
Nëna 66-vjeçare e motrave të famshme Kardashian-Jenner, është paraqitur të enjte në “The Ellen DeGeners Show”, ku ka folur rreth nipit më të fundit, të cilin e ka sjellë në jetë ditë më parë vajza më e vogël e saj, Kylie Jenner.
Djali i Kylie, është nipi i 11-të i Krisit, e cila tashmë ka shprehur bindjen se radhën për fëmijë e ka vajza e vetme që nuk është bërë nënë ende, supermodelja Kendall.
"Epo, unë mendoj se do të ishte mirë nëse do të ishte Kendall, apo jo? Ajo është e vetmja që nuk ka lindur një fëmijë. Mendoj se ajo do të donte të kishte një fëmijë”, ka thënë Kris.
Kris është tashmë gjyshja e Wolf, 2 javë, Psalm, 2 vjeç, True, 3vjeç, Chicago, 4 vjeç, Stormi 4 vjeç, Dream, 5 vjeç, Saint, 6 vjeç, Reign, 7 vjeç, North, 8 vjeç, Penelope, 9 vjeç dhe Mason, 12 vjeç.
Pavarësisht nga emocionet e Kris, Kendall nuk ka zbuluar planet për të pasur një fëmijë së shpejti.
Në vitin 2020, gjatë një pushimi familjar në Palm Springs, Kaliforni, Kendall bëri shaka se nuk kishte fëmijë, ndryshe nga motrat e saj të famshme - Kourtney, Kim, Khloé dhe Kylie.
Në një video në Instagram, modelja hodhi kamerën për të treguar motrat e saj duke vrapuar me fëmijët e tyre në pishinë ndërsa ajo buzëqeshte.
© KOHA. Të gjitha të drejtat janë të rezervuara.
