Këngëtarja e njohur Britney Spears ka kërkuar falje për shtirjen se ka qenë në rregull në dy vjetët e fundit në postimet që ka bërë në rrjetet sociale.
“E bëra për shkak të krenarisë sime dhe isha e turpëruar t’i shpërndaja ato që po më ndodhnin, por sinqerisht kush nuk dëshiron një kënaqësi të lehtë në Instagram”, ka shkruar 39-vjeçarja.
Britney Spears ka kujtuar veprimet e nënës, e cila për hir të saj ishte shtirur se gjithçka është në rregull me jetët e tyre.
“Dua t’jua tregoj një sekret... Besoj se njerëzit duan jetë përrallash dhe nga gjërat që kam postuar jeta ime dukej se ishte e mrekullueshme”, ka shkruar krijuesja e hitit “Baby one more time”.
“Mendoj se krejt synojmë këtë lloj jete. Kjo ishte një prej qëllimeve të nënës... Pa marrë parasysh se çfarë dite e keqe ishte kur isha e re, për hir timin, motrave e vëllezërve, ajo gjithmonë pretendonte se ishte gjithçka në rregull”, ka shkruar Spears.
Duke iu referuar dëshmisë, Britney ka shkruar se në bazë të raportimeve të mediave njerëzit e kanë mësuar se jeta e saj nuk është në rregull.
“Pretendimi se jam në rregull ma ka ndihmuar në gjendjen mendore”, ka thënë veç të tjerash këngëtarja.
