Showbiz

“Stillwater”, filmi i ardhshëm i yllit hollywodian Matt Damon

 

Bill Baker, një punëtor fizik në një kompani për nxjerrjen e naftës në Stillwater të Oklahomas, mëson se vajza e tij Allison, e cila ka shkuar për të studiuar një vit në Marseille, është arrestuar dhe po paditet për vrasjen e të dashurës së saj. Ai udhëton për ta vizituar në burg, ku e mëson se rasti i saj është goxha i komplikuar. Kështu, Bill vendos të shpërngulet përkohësisht në Francë dhe mundohet ta vërtetojë pafajësinë e saj. I ballafaquar me pengesat e gjuhës, ndryshimet kulturore dhe sistemin ligjor të ngatërruar dhe të panjohur të këtij shteti, ai ndihmohet nga një grua franceze dhe nga vajza e saj 8-vjeçare, në misionin e tij të mundimshëm.

Kjo është tema të cilën e trajton filmi i ardhshëm i yllit të njohur hollywoodian, Matt Damon, i cili i takon zhanrit dramë kriminalistike.