Këngëtarja Dafina Zeqiri, ka paralajmëruar se shumë shpejt do të sjellë një këngë të re.
Lajmin e ka bërë të ditur vetë këngëtarja në rrjetet sociale, duke treguar se titulli i këngës do të jetë “Japa” e që pritet të vijë si pjesë e dytë e këngës “Vuj, vuj, vuj”.
Dafina tashmë është duke xhiruar videoklipin e këngës, derisa nga pamjet e para që ka publikuar, ajo do të vijë me flokë të shkurtër dhe e veshur me rroba me ngjyrë të gjelbër.
Daffy ka publikuar dy muaj më parë këngën e saj të fundit të titulluar “Duro” e cila përcjellë mesazhin e luftimit të depresionit. Kënga është mirëpritur nga fansat ndërkohë që është thënë se ajo ka ndihmuar shumë njerëz të tejkalojnë gjendjen e keqe psikike.
Edhe kënga “Japa” do të jetë pjesë e albumit “Dafinë moj” të cilin Dafina e ka paralajmëruar kohë më parë.
© KOHA. Të gjitha të drejtat janë të rezervuara.
