Showbiz

Cruise kthen prapa çmimet “Globi i Artë”, “NBC” e anulon transmetimin e ceremonisë

 

Aktori 58-vjeçar, Tom Cruise, i ka kthyer tri shpërblimet e tij “Globi i Artë” në zyrat e Shoqatës së Gazetarëve të Huaj në Hollywood, pas kritikave që kjo organizatë i ka marrë për mungesë të diversitetit tek anëtarët që i votojnë këto çmime.

Sipas burimeve të cituara nga portal “Deadline”, ylli kinematografisë Cruise i ka kthyer trofetë e fituara në kategorinë “Aktori më i mirë”, për rolet në filmat “Jerry Maguire”, “Born on the Fourth of July” dhe “Magnolia”.