Ylli i hitit “Bad Guy”, Billie Eilish, e ka siguruar një urdhër ndalesë pesë vjeçare kundër përndjekësit të saj, John Hearle, i cili po qëndronte jashtë shtëpisë së familjes së këngëtares në Los Angeles.
Eilish deklaron se Hearle e kishte kaluar disa herë gardhin e shtëpisë duke e cenuar privatësinë e familjes së saj, si dhe i kishte bërë gjestin kërcënues “të prerjes së fytit”.
Këngëtarja 19-vjeçare më parë e kishte siguruar një urdhër ndalesë të përkohshme kundër Hearleit, të cilën më pas e ka vazhduar për pesë vjet, pasi i kishte skaduar afati.
Sipas dokumenteve ligjore, Eilish e akuzon Hearlein për përndjekje të vazhdueshme dhe kërcënim verbal.
Bësohet se këngëtarja ka deklaruar para gjykatësit se Hearle i kishte dërguar një letër, ku shkruante: Nuk mund të marrësh çfarë dëshiron, nëse nuk je e gatshme të vdesësh për mua… Ti do të vdesësh”.
Eilisht po ashtu ka thënë se nuk po ndihet e sigurt të dalë jashtë shtëpisë dhe t’i shijoj aktivitetet bazike në lagjen e saj, pasi ka frikë se përndjekësi në fjalë do ta sulmojë dhe lëndojë atë.
Billie Eilish nuk është e vetmja e famshme që është dashur të ndërmarrë masa ligjore për t’u mbrojtur nga përndjekësit. Në të shumtën e rasteve këta persona janë adhurues të flaktë të yjeve, të cilët në të njëjtën kohë vuajnë nga probleme mendore dhe kështu bëhen persona të rrezikshëm, dhe me potencial për t’iu bëjë dëme fizike dhe emocionale idhujve të tyre.
© KOHA. Të gjitha të drejtat janë të rezervuara.
