Kourtney Kardashian dhe Travis Barker konfirmojnë lidhjen e dashurisë
Ylli televiziv Kourtney Kardashian dhe muzikanti Travis Barker, ka kohë që spekulohet se janë në lidhje dashurie, pasi janë parë disa herë në shoqërinë e njëri-tjetrit edhe në publik. Por më në fund, çifti më i ri i showbizit e ka zyrtarizuar lidhjen e tyre edhe në rrjetet sociale.
Bukuroshja 41-vjeçare, Kardashian, e ka postuar një fotografi në Instagramin e saj, ku shihet duke i shtrënguar duart me daullexhinë e bendit “Blink-182”. Të njëjtën fotografi e ka ndarë edhe Barkeri në Instagramin e tij, dhe kështu kjo dyshe e konfirmoi romancën mes tyre.
Besohet se familja Kardashian/Jenner është e lumtur që po e shohin Kourtneyn të dashuruar, dhe e aprovojnë lidhjen e saj më yllin e muzikës punk dhe rok.
“Familja e Kourtneyt është shumë përkrahëse ndaj lidhjes së saj të re romantike, dhe e duan shumë Travisin. Ai ka qenë mik i afërt i familjes për një kohë të gjatë dhe Kourtney ka kohë që është beqare, prandaj të gjithë po ndihen të lumtur dhe konsiderojnë se kjo është lidhja më e shëndoshë e mundshme për të”, citohet të ketë thënë një burim.
Kurse muajin e kaluar, një tjetër burim i afërt e konfirmoi se 45-vjeçari, Travis Barker, është shumë i dhënë pas të dashurës së tij të re.
“Ata kanë kohë të gjatë që janë miq të mirë, ndërsa janë në lidhje romantike qe disa muaj, dhe rokeri po ndihet vërtetë i dashuruar”.
Travis Barker, njihet edhe për lidhjen e dashurisë me këngëtaren me prejardhje kosovare, Rita Ora.
Kjo është lidhja e parë serioze për Kourtney Kardashianin nga viti 2018, kur u nda nga i dashuri Younes Bendjima. Ndryshe nga motrat tjera, Kourtney e cila i ka tre fëmijë nga lidhja e saj e gjatë me Scott Disick, mundohet ta ruaj më shumë privatësinë e saj dhe të familjes.
