Showbiz

Dr. Dre lirohet nga spitali pas aneurizmit në tru

Dr. Dre është kthyer në shtëpi pas gati dy javësh në spital.

Reperi ishte dërguar në kujdes intensiv në Los Angeles më 4 janar, pasi kishte pësuar aneurizëm në tru.

Nga spitali ai kishte shkruar se ishte mirë dhe se po merrte trajtim të shkëlqyeshëm nga punëtorët e shëndetit.

Të premten, miku i tij Ice-T konfirmoi në rrjete sociale se Dr. Dre është rikthyer në shtëpi në gjendje të mirë shëndetësore. Sipas TMZ-së, ai do të vazhdojë të mbikëqyret nga doktorët mbi gjendjen e tij.