Është publikuar lista e përvitshme e revistës “TIME” me 100 personat më me ndikim në botë, dhe sivjet në këtë listë janë përfshirë edhe yjet e muzikës, The Weeknd, Megan Thee Stallion dhe Halsey.
Siç e do tradita, çdo vit kur publikohet kjo listë secili person i cili përfshihet në të, nderohet me një shkrim të shkurtër nga ndonjë artist tjetër me po aq ndikim në fusha të ndryshme,transmeton Koha.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoHalsey u nderua me disa fjalë mirësjelljeje nga anëtarët e grupit të Koresë Jugore, “BTS”, të cilët e quajtën atë një artiste tejet të talentuar.
“Puna me Halseyn ishte pikërisht siç e kishim imagjinuar. Ajo, jo vetëm që është një artiste tejet e talentuar, por është gjithashtu një partnere e devotshme e cila me seriozitetin më të madh iu përkushtua artit të cilin e kemi krijuar së bashku. Ajo na ka inspiruar shumë prandaj ndihemi të nderuar që kemi mundësi ta quajmë atë një mike. Mezi presim ta shohim kontributin e saj për botën, në vitet e ardhshme”, shkruhej në deklaratën e “BTS”.
Ndërkohë për kantautorin The Weeknd, fjalë të mira dhe lëvdata kishte thurur ylli britanik i muzikës Elton John.
“Ai nuk është i interesuar të bëjë muzikë komerciale, dhe megjithatë është një prej artistëve më të kërkuar dhe klikuar në platformën Spotify. Sikurse muzikanti Prince, ai ecën me ritmin e tij. Kështu është shembulli i përkryer se si duhet të jetë një artist”, shkruhej në mesazhin e Elton Johnit.
Ndërsa për ta nderuar rep artisten Megan Thee Stallion, ishte përkujdesur aktorja Taraji P.Henson.
“Më kujtohet kur për herë të parë e dëgjova muzikën e Megan Thee Stallion në një prej radiostacioneve më të famshme. Kishte kohë që nuk e kisha dëgjuar një artiste femër me talentin e saj për ta ndjekur ritmin”.
Tutje, pop ylli Taylor Swift ia ka dedikuar disa lëvdata aktores Phoebe Waller-Bridge, duke e quajtur një grua jashtëzakonisht të talentuar, Missy Elliot e ka nderuar disenjatorin Dapper Dan, ylli i serisë “Ugly Betty”, America Ferrera ka shkruar për këngëtaren e famshme Selena Gomez dhe Mary J Blige e ka vlerësuar talentin e këngëtares dhe aktores, Jennifer Hudson.
.@eltonofficial on @theweeknd: “Like Prince, he marches to his own beat. That’s an exemplary way for an artist to be” #TIME100 https://t.co/SriccF3bjx pic.twitter.com/2XzzgUZAYf
— TIME (@TIME) September 23, 2020