Showbiz

Charlize Theron shëtitej me sëpatë për rolin e saj të ri

Aktorja e njohur Charlize Theron për rolin e saj në filmin e ri “The Old Guard” duhej të mësohej se si të luftojë me sëpatë, andaj e kishin këshilluar të “ecë me të dhe ta mbajë kudo”.

Aktorja 44 vjeçe luajti rolin e një luftëtareje të pavdekshme të quajtur “Andy” në këtë film. “I marr këshillat shumë seriozisht”, kishte thënë ajo për emisionin “Night With Seth Meyers”. “Koordinatori i skenave të luftimeve më tha që ta mbajë sëpatën kudo, dhe ashtu edhe bëra”, shkruan revista “EOnline”.

Mirëpo një ditë para mbylljes se shteteve për shkak të pandemisë, Theron shkoi në një restorant, dhe parkuesi i restorantit ia mori veturën. Pasi që kishte dalë nga vetura, Theron vërejti një shikim të çuditshëm në fytyrën e tij, transmeton KOHA. “Nuk tha asgjë, dhe nuk e kuptoja”, tha ylli. “Mendoja mos nuk i dhashë mjaftueshëm bakshish”.

Por nuk shkoi gjatë dhe ajo e kuptoi shqetësimin e parkuesit. “Pastaj hyra në veturë dhe sëpata e madhe ishte aty, dhe e kuptova shqetësimin e tij”, tha ajo. “Është një sëpatë parahistorike e Amazonës, e dyfishtë, dhe duket tepër e rrezikshme dhe ju dhemb vetëm kur e shikoni”, shtoi ajo duke qeshur.