Aktorët me koronavirus, Hanks, Wilson, Kurylenko dhe Kim po ndihen më mirë

Aktorët me koronavirus, Hanks, Wilson, Kurylenko dhe Kim po ndihen më mirë

23 March 2020 15:50

Prej shpërthimit të pandemisë së koronavirusit anembanë globit, aktorë të shumtë i kishin shfrytëzuar platformat online për ta bërë të ditur lajmin se janë prekur nga COVID-19.

Në mesin e tyre janë edhe: Tom Hanks, Rita Wilson, Olga Kurylenko dhe Daniel Dae Kim. Që të gjithë këta aktorë, tashmë e kanë informuar publikun se po ndihen mirë dhe i kanë tejkaluar simptomat e kësaj sëmundjeje, transmeton Koha.

Hanks dhe bashkëshortja e tij Wilson, kanë bërë të ditur se dy javë pas diagnozës ata po ndihen shumë më mirë, si dhe i kanë këshilluar edhe të tjerët që të vetizolohen deri në përmirësimin e situatës. Çifti gjatë kësaj kohë kishte qëndruar në Australi, ku Hanks kishte shkuar për ta xhiruar një film.

“Përshëndetje të gjithëve. Kanë kaluar dy javë prej se na janë shfaqur simptomat e para dhe tashmë po ndihemi shumë më mirë. Mbyllja në një vend funksionon kështu: Ti nuk ia bartë sëmundjen dikujt dhe nuk e merr virusit nga të tjerët. Logjikë e thjeshtë, apo jo? Do të nevojitet pak kohë, por nëse kujdesemi dhe i ndihmojmë njëri-tjetrit, si dhe heqim dorë nga disa rehati personale… kjo situatë do të kalojë. Ne mund t’ia dalim,” kishte shkruar aktori në llogarinë e tij në Twitter.

 

 

Edhe aktorja, Olga Kurylenko, ka deklaruar se është shëruar plotësisht nga koronavirusi. Ylli 40-vjeçar i filmit, javën e kaluar e kishte bërë të ditur lajmin se është diagnostikuar me COVID-19, por tani ajo thotë se po ndihet shumë mirë dhe nuk po i shfaqë simptomat e kësaj sëmundjeje.

Kurylenko këtë lajm të mirë e ka bërë të ditur përmes postimit të një fotografie në Instagram, ku ajo shihet bashkë me djalin e saj katër vjeçar Alexander, të cilin e ka me ish partnetin, Max Benitz.

Ndër të tjera, ylli i filmit “Quantum of Solace” i ka këshilluar ndjekësit e saj, që ta marrin më shumë seriozitet këtë pandemi dhe distancimin social.

 

 
 
 
 
 
 
 
 
 
 
 
 
 

Happy Mother’s Day! #mothersday P.S. I have completely recovered 🙏 To recapitulate: For one week I felt pretty bad and was mostly in bed, sleeping, with high fever and strong headache. The second week, the fever was gone but some light cough appeared and I felt very tired. By the end of the second week I felt totally fine. Cough is almost gone although I still cough in the mornings but then it completely goes away for the day! I’m fine! And now I’m just enjoying this time to reflect on many things and spend my time with my son. 🙏 Я думаю я полностью выздоровела. Коротко о течении болезни: В первую неделю мне было очень плохо и я почти все время лежала с высокой температурой и много спала. Я спала 12 часов за ночь и потом ещё часа 3-4 днём!!! Подняться было тяжело. Усталость сумасшедшая. Головная боль дикая. Во вторую неделю температура полностью ушла и появился легкий кашель. Усталость осталась. Теперь практически никаких симптомов нет. Только немного кашель есть по утрам, но потом он полностью уходит на весь день. Теперь я наслаждаюсь отдыхом и провожу время с сыном. Держитесь!!! 💪 #coronavirus #коронавирус

A post shared by Olga Kurylenko (@olgakurylenkoofficial) on

 

Në anën tjetër aktori, Daniel Dae Kim, beson se ilaçi kundër malarjes ka qenë shumë i rëndësishëm në shërimin e tij nga koronavirusi.

Ylli 51-vjeçar i serisë “Hawaii 5.0”, e ka lavdëruar ilaçin ‘hydroxychloroquine’ duke thënë se ka luajtur rol të rëndësishëm në trajtimin e tij sepse tashmë po ndihet krejtësisht normal.

“Nuk do të them se ky ilaç është kura e koronavirusit dhe nuk po them se duhet ta përdorni atë, por nga përvoja personale ju them se besoj që e ka luajtur një rol të rëndësishëm në shërimin tim,” citohet të ketë thënë aktori.

 

 

Ish aktori i serisë “Lost” po ashtu e ka zbuluar se karantina e tij mund të përfundojë gjatë ditës së hënë. Sidoqoftë, ai ka thënë se do të dëshironte të testohej sërish për koronavirusin, vetëm sa për t’u siguruar, por një gjë e tillë është e pamundur për shkak se nuk ka teste të mjaftueshme për të gjithë.

© KOHA

Komentet

Shto koment

Të ngjashme