“Rick and Morty” së shpejti vjen në ekranet e vogla

“Rick and Morty” së shpejti vjen në ekranet e vogla

09 October 2019 18:49

Më në fund ka mbërritur fragmenti i parë për sezonin e katërt të serialit të animuar të popullarizuar Rick and Morty, i cili na zbuloi edhe datën e shumëpritur të premierës për episodet e reja.

Seriali “Rick and Morty” ka pasur gjithmonë pauzë të gjatë mes sezoneve, por asnjëherë si deri më tani - episodi i fundit i sezonit tre është transmetuar saktësisht dy vjet më parë, ndërsa në të personazhi Mr. Poopy Butthole komentoi se dyshen nga titulli do ta shikojmë "edhe shumë gjatë" në sezonin e ri.

Më në fund kjo shumë gjatë kaloi, pasi që Adult Swim njoftoi se episodi i parë i sezonit të ri do të arrijë më 10 nëntor.

Krijuesit e serisë Dan Harmon dhe Justin Roiland na sigurojnë se nuk do të duhet të presim aq gjatë: "Mendoj se mund të them që kjo pauzë mes sezoneve tre dhe katër është më e gjata, dhe se është hera e fundit që ka qenë një pritje kaq e gjatë", tha Harmon.

Roiland rikthehet në sezonin e ri si personazhet titullare Rick Sanchez dhe Morty Smith, ndërsa zërat e tyre do t’i huazojnë Chris Parnell si Jerry, Spencer Grammer si Summer dhe Sarah Chalke si Beth, shkruan KOHA Ditore.

Në sezonin e ri i presim edhe disa yje mysafirë, përfshirë Taika Waititi, Kathleen Turner, Sam Neil dhe Paul Giamatti.

Sezoni i ri i sjell 10 episode të reja, ndërsa duke pasur parasysh që serialit i është dhënë drita e gjelbër edhe për 70 episodet e tjera, mund të presim që dyshja e çuditshme do të shfaqet në ekranet e vogla edhe shumë vite të tjera.

© KOHA

Komentet

Shto koment

Të ngjashme