Zbulohet arsyeja e vërtetë se pse dështoi lidhja e Lady Gaga dhe Bradley Cooper

Zbulohet arsyeja e vërtetë se pse dështoi lidhja e Lady Gaga dhe Bradley Cooper

21 September 2019 19:30

Dukej sikur këngëtarja Lady Gaga dhe aktori Bradley Cooper ishin të destinuar për një dashuri të madhe, por lidhja e tyre e supozuar dështoi shpejt, dhe tani dihet se pse. Bradley, siç shkruan portali In Touch, kishte frikë të madhe të lidhej përsëri.

Ata punuan së bashku në filmin 'A Star Is Born', ku edhe lindi tërheqja mes tyre, por këngëtarja 33-vjeçare i befasoi të gjithë kur u mor vesh se ajo ishte në lidhje me Dan Horton - aktorin 50-vjeçar amerikan.

'Bradley ka frikë nga lidhja, Gaga ishte e gatshme për lidhje. Dashuria e saj shihej nga aeroplani. Bradley në fakt vendosi ta ndalonte', tha një burim i afërt me këngëtaren. Ai gjithashtu thekson se e gjithë kjo për aktorin 44-vjeçar ishte shumë shpejt. 'E gjithë kjo vëmendje ishte shumë intensive për të. Bradley gjithmonë dëshiron që gjithçka të rrjedhë më ngadalë në lidhje’, shtoi burimi për portalin në fjalë.

T’ju rikujtojmë, Bradley vetëm kohët e fundit u shkurorëzua nga supermodelistja ruse 33-vjeçare Irina Shayk pasi ata i kaluan katër vjet së bashku, shkruan KOHA Ditore. Së bashku ata e kanë vajzën 2-vjeçare Lea. Fundi i dashurisë ndodhi shpejt pas performancës së tij emocionale me Lady Gaga në ndarjen e sivjetme të çmimeve Oscar. Me atë rast, shumë njerëz konkluduan se ata të dy ishin shumë më tepër se miq.

Image

E gjitha kulmoi kur modelistja u zhvendos nga shtëpia e tyre e përbashkët 25 milionë dollarëshe. Me sa duket, ata tashmë janë dakorduar për kujdestarinë e vajzës. Lady Gaga e ka gjetur një të dashur të ri, ndërsa përflitet se ajo gjithashtu e refuzoi një rol në Guardians of the Galaxy 3 ku duhej ta luante të dashurën e Bradley. Derisa ishin të afërt, ajo rregullisht thoshte se Bradley është njeriu dhe miku më i mrekullueshëm në botë.

© KOHA. Të gjitha të drejtat janë të rezervuara.

Komentet

Shto koment

Të ngjashme