E bija e sheh fantazmën e Bondit të dikurshëm, Roger Moore

E bija e sheh fantazmën e Bondit të dikurshëm, Roger Moore

17 September 2019 15:25

Aktori Roger Moore ndërroi jetë në vitin 2017 në moshën 89-vjeçare, por vajza e tij Deborah mendon se babai i saj i famshëm ende po e vëzhgon atë dhe po i dërgon sinjale të qarta. Teoria e saj bazohet në atë se ajo vazhdimisht i sheh shenjat 007 dhe fotografitë e tij.

“Kohë më parë një turist japonez më ndali në rrugë dhe më pyeti nëse mund ta drejtoja në ndërtesën e shërbimit të sigurisë MI5. 'James Bond,' bërtiste ai, dhe unë besova se ishte ai, babai im, ai po më lajmërohej. Nga të gjithë njerëzit në rrugët e Londrës, ky njeri vendosi të më pyeste pikërisht mua. Mendoj se kjo nuk mund të jetë e rastësishme”, - tha vajza e Roger.

Roger Moore luajti në shtatë filma të James Bondit, nga viti 1973 deri në vitin 1985, çfarë edhe ia shënoi karrierën aktorit britanik, shkruan KOHA Ditore. Ai ndërroi jetë pas një beteje të shkurtër me kancerin, por deri në momentin e fundit ishte pozitiv dhe i sigurt se do t’ia dilte.

“Ai u thoshte mjekëve që të mos i tregonin lajme të këqija. Ai thjesht donte të vazhdonte të kënaqej. Të shkonte në terapi dhe të luftonte. Ai ishte i tillë dhe tani mendoj se po më lajmërohet dhe kështu po tallet me mua”, - tha vajza e Rogerit.

© KOHA. Të gjitha të drejtat janë të rezervuara.

Komentet

Shto koment

Të ngjashme