Фудбалската федерација на Белорусија одлучи да го одложи почетокот на женската фудбалска сезона во Премиер лигата, откако беше откриено дека некои играчи биле во контакт со лица потенцијално заразени со коронавирус, пишува агенцијата Ројтерс.
Белорусија е единствената земја во Европа каде сè уште работи машката фудбалска лига. Белоруската лига ја следат и странски навивачи, бидејќи спортот во повеќето земји е суспендиран.
Белоруската ФА соопшти дека женската Премиер лига, која требаше да започне денеска, е суспендирана на неодредено време.
Претседателот на Белорусија, Александар Лукашенко, кој е на чело на земјата од 1994 година, беше скептичен за потребата од построги мерки што другите земји ги презедоа за да го спречат ширењето на вирусот.
Министерството за здравство на Белорусија објави 3728 случаи на коронавирус и 36 смртни случаи. Лукашенко рече дека смртните случаи се резултат на истовремени заболувања кои ги имале пациентите.
Светската здравствена организација (СЗО) ја повика Белорусија да спроведе построги мерки за спречување на ширењето и во саботата соопшти дека појавата на вирусот во земјата достигнува загрижувачка фаза.
-
Во Белорусија, натпреварите сега се одложуваат поради коронавирусот
-
Зошто белоруската Премиер лига продолжи за време на пандемијата
-
Во Белорусија два натпревари се одложени по сомнителни случаи на коронавирус
-
Белорускиот фудбал добива странски навивачи, но локалните навивачи ги бојкотираат натпреварите
-
Над 1000 навивачи присутни на фудбалски натпревар во Белорусија