Обвинетиот за тероризам е уапсен во Лондон

По четири дена во бегство, осомничениот за тероризам Даниел Калиф е уапсен во западен Лондон. Метрополитен полицијата соопшти дека 21-годишниот поранешен војник бил уапсен на 8 километри од затворот Вандсворт, од кој избегал во средата.

Полицијата успеала да го пронајде преку безбедносните камери и хеликоптерот кој бил ангажиран на местата каде што се сомничи дека е 21-годишниот обвинет за составување лажни бомби во воена база.

Против него ќе започне судскиот процес во ноември, откако судот во јануари му одби кауција. Тој е обвинет и за шпионирање за непријателската држава, за која се верува дека е Иран, на која и давал информации за Британија.

Калифе избегал од затворската кујна кога се сокрил во пакети со храна кои ги изнесувале од затворот. Премиерот Риши Сунак го изрази своето задоволство од апсењето на поранешниот војник. Полицијата понудила награда од 20 фунти за негово пронаоѓање.