Бајден помилува 39 затвореници и ублажи 1,500 казни

Американскиот претседател во заминување Џо Бајден издаде претседателски помилувања на 39 Американци осудени за ненасилни злосторства и им ги ублажи казните на речиси 1,500 други.

Белата куќа ја опиша одлуката како еден од најголемите акти на претседателска учтивост издадена во еден ден. Имињата на помилуваните лица не се соопштени, јавува Би-Би-Си.

Американскиот Устав вели дека претседателот има „широка моќ да дава помилување за прекршоци против Соединетите држави, освен при импичмент“.

На почетокот на овој месец, Бајден издаде помилување за неговиот син Хантер, продолжувајќи го неодамнешниот тренд на претседатели да ги помилуваат блиските.

Објавувајќи ја мерката, Бајден рече дека помилуваните „покажаа успешна рехабилитација и покажаа посветеност да ги направат нивните заедници посилни и побезбедни“. 

Нивните ненасилни пресуди вклучуваат прекршоци за дрога.

Во меѓувреме, ублажените казни беа за стотици луѓе кои беа ставени во домашен притвор за време на пандемијата „Ковид-19“ и кои се соочуваа со казни што Бајден ги сметаше за предолги.

Бајден ќе ја напушти Белата куќа на 20 јануари 2025 година, кога ќе биде инаугуриран неговиот наследник Доналд Трамп.

Досега Бајден го држеше рекордот за најмалку помилувања од кој било претседател во модерната историја на САД.

Трамп издаде 237 акти на помилување за време на неговиот прв мандат во Белата куќа, според Истражувачкиот центар „Пи“. 

Одлуката на Бајден претходно овој месец да го помилува неговиот син, Хантер, го продолжи трендот на претседателите од двете страни на политичкиот јаз во САД, вклучително и Трамп, да оддаваат помилување на луѓето блиски до нив.

На Хантер Бајден му се заканува казна по две кривични дела.

Овој потег предизвика бурни реакции, бидејќи претседателот во заминување претходно ја отфрли можноста за таков потег. Но, оправдувајќи ја одлуката, Бајден тврдеше дека случаите против неговиот син биле политички мотивирани.