Курти му се заблагодарува на амбасадорот Ховениер за неговата улога во договорот постигнат во Брисел

Косовскиот премиер Албин Курти изрази благодарност до американскиот амбасадор во Косово Џеф Ховениер за улогата што ја одигра во вчерашниот договор со Србија во Брисел за проблемот со регистарските таблички.

Преку твит во четвртокот, Курти предупреди дека сега е отворен патот за разговори за целосна нормализација на односите со Србија врз основа на предлогот на ЕУ.

„Нема време за мали амбиции, време е за големи чекори. Вчерашното усогласување го отвора патот за интензивни разговори за целосна нормализација на односите со Србија врз основа на предлогот на ЕУ поддржан од Франција, Германија и САД. Благодарен на амбасадорот Ховениер за неговата улога, поддршка и посветеност“, напиша Курти на Твитер.

Договорот за регистарски таблички вчера го соопшти високиот претставник на ЕУ, Жозеп Борел. Според договорот, Србија ќе престане да издава регистарски таблички со имињата на косовските градови, а Косово ќе престане со понатамошните активности поврзани со пререгистрацијата на возилата.